ہجر دی مکدی نئیں رات مدینے والے
ہجر دی مکدی نئیں رات مدینے والے
پا کرم اپنے دی اک جھات مدینے والے
یاد وجہ تیری جو اکھیاں نیں وگائے اتھرو
کول ایخو مرے سوغات مدینے والے
تیرے دربار توں اک پل نہ جدا ہوواں میں
وس جے ہوون مرے حالات مدینے والے
چہرہ بس آپ دا اک وار نظر آجاوے
ہون جد آخری لمحات مدینے والے
میرے مولا دی رضا اوس تے چھاواں کردی
جس تے راضی اے تیری ذات مدینے والے
اک تیرے ناں تو سوا ہور نہ پلے کجھ وی
ایہہ ظہوریؔ دی اے اوقات مدینے والے