ہوا نہ ہوگا کبھی حشر تک نبی کوئی
ہوا نہ ہوگا کبھی حشر تک نبی کوئی
تمام میرے نبی پر پیمبری کا شرف
خدا کا شکر حرم میں ہے حاضری کا شرف
یہاں نصیب سے ملتا ہے بندگی کا شرف
نظر میں ہیچ ہے تاجِ سکندری کا شرف
جبیں کو مل گیا خاکِ درِ نبی کا شرف
سند مجھے بھی یقینا ملے گی بخشش کی
نبی نے بخشا ہے مجھ کو بھی حاضری کا شرف
مرے نبی کا ہی سکہ چلے گا محشر میں
گناہ گاروں کو بخشیں گے جنتی کا شرف
چمک پہ اپنی نہ اے چاند اس قدر اترا
نبی کے حسن کا صدقہ ہے چاندنی کا شرف
ہوا، نہ ہوگا کبھی حشر تک نبی کوئی
تمام میرے نبی پر پیمبری کا شرف
شفیقؔ اپنے مقدر پہ ناز کیوں نہ کرے
ملا ہے اس کو مدینے میں حاضری کا شرف