ہم ہیں تمھارے ‘ تم ہو ہمارے
ہم ہیں تمھارے ‘ تم ہو ہمارے ۔۔۔ مُحمّدؐ پیارے
تم ہو چاند اور ہم ہیں تارے ۔۔۔۔۔ مُحمّد ؐ پیارے
سب سے اچھّا دِین تمھارا
حُکمِ خُدا ، آئیں تمھارا
تم نے ہمارے ذہن سنّوارے ۔۔۔ مُحمّدؐ پیارے
پیار سکھایا ، عدل سکھایا
رنگ و نسل کا فرق مِٹا یا
دُور کِیے سارے اندھیار ے ۔۔۔۔ مُحمّؐد پیارے
بندوں کو مَولا سے ملایا
قطروں کو دریا سے مِلا یا
موڑے تم نے وقت کے دھارے ۔۔۔۔ مُحمّدؐ پیارے
گمراہوں کو راہ دِکھائی
قاتل بھی ٹھہرے شیدائی
تم جِیتے اور دُشمن ہارے ۔۔۔۔ محمّدؐ پیارے
سُنّت اور قرآن پہ چل کے
کہلائیں شہکار عمل کے
مانگیں دُعا ہم مِل کر سارے ۔۔۔۔ مُحمّدؐ پیارے