ہندا اے کرم خوش بختاں تے سلطان مدینے والے دا
ہندا اے کرم خوش بختاں تے سلطان مدینے والے دا
کوئی قسمت والا بن دا اے مہمان مدینے والے دا
بلبل نوں سار چمن دی اے، وچھڑے نوں تاہنگ ملن دی اے
دل والے ای دل وچ رکھدے نے ارمان مدینے والے دا
عرشی بے چین سلامی نوں، فرشی بے چین غلامی نوں
اللہ ای بہتر جان دا اے کیہہ شان مدینے والے دا
سرکار دے منّن والیاں دی تاریخ گواہی دیندی اے
کردا اے حکومت دنیا تے دربان مدینے والے دا
سوہنے دے مسافر چلے نیں، چلے سوہنے دے ولّے نیں
سوہنے دیاں یاداں پلّے نے سامان مدینے والے دا
سینے وچ یاد مدینے دی بُلّہاں تے نام محمدؐ دا
میرے تے ظہوریؔ ڈاہڈا اے احسان مدینے والے دا