حُسنِ حیات و نورِ بقا اور کون ہے
حُسنِ حیات و نورِ بقا اور کون ہے
نجمِ مقدّرِ دوسرا اور کون ہے
دارومدار کس پہ ہے فیضِ مدا م کا
ختمِ رُسل ، حبیبؐ ِ خدا اور کون ہے
والنّجم کس کی شوکت و عظمت پہ ہے گواہ
زینت فزائے برجِ دنا اور کون ہے
روشن ہے آئنے کی طرح کس پہ کائِنات
شاہد جے خدا نے کہا اور کون ہے
نسبت ہے کس کریم کی مفتاحِ بابِ خلد
عز و وقارِ فقر و غنا اور کون ہے
کس کا کرم زماں و مکاں سے ہے ماورای
ہر آن دستگیر مرا اور کون ہے
رحمت ہے اور کون خدائی کے واسطے
تائبؔ شِفیعِ روزِ جزا اور کون ہے