جدوں اُٹھ جائے پردہ مکھڑے توں دیدار حسیں ہو جاندے نے
جدوں اُٹھ جائے پردہ مکھڑے توں دیدار حسیں ہو جاندے نے
جدوں وس جائے چہرہ سوہنے دا فیر پیار حسیں ہو جاندے نے
اوہدے نام دا ورد پکایا کر اوہدی گھر وچہ بزم سجایا کر
اِس بزم دا صدقہ سنیا ایں گھر بار حسیں ہو جاندے نے
جیویں یار کہوے اویں کریا کر جتھوں روک دوے اوتھوں رُکیا کر
اوہدے نقشِ قدم تے چل چل کے کردار حسیں ہو جاندے نے
پھلاں تے لپٹن والیاں نوں ایہہ راز دسیا حبشی نے
جے ٹر پیئے عشق دے رستے تے فیر خار حسیں ہو جاندے نے
ابو بکر عمر عثمان علی سب یار حضور دے کیا کہنے
جو چاہون یار دے یاراں نوں سب یار حسیں ہو جاندے نے
میرے کَن وچ آکے ہولی جئی اِ ک شب مہتاب نے آکھیا سی
جد خاک ملاں اوہدے قدماں دی رُخسار حسیں ہو جاندے نے
میں اِ ک دن پچھیا خالق نوں رب ہو کے قسماں چکناں ایں
اوہ بولیا حاکم قسماں تے اعتبار حسیں ہو جاندے نے