جہاناں ساریاں اُتے ہے رحمت کملی والے دی
جہاناں ساریاں اُتے ہے رحمت کملی والے دی
ہے ایسے واسطے ہر شے تے رفعت کملی والے دی
مرے اللہ دی جتھوں تیک شاہی تے حکومت ہے
ہے اوتھوں تیک شاہی تے حکومت کملی والے دی
محبت مصطفے دی شرط ہے ایمان دی پہلی
ہمیشہ رب توں منگیا کر محبت کملی والے دی
خدا نے اُمتاں جنیاں وی گھلیاں نے زمانے تے
ہے سب تو افضل و اعلیٰ ایہہ امت کملی والے دی
صحابی بن گئے ایمان دی صورت چ جہناں نے
ہے کیتی اک گھڑی پل وی زیارت کملی والے دی
سخی کیڈا وی ہووے جاکے رَل جاندا گداواں وچ
جدوں ویہندا اے دولت تے سخاوت کملی والے دی
ہے ایہو آرزو صائم دی جناں چر وی زندہ ہاں
رہواں میں ہر گھڑی بس کردا مدحت کملی والے دی