جلوہ افروز ہیں سلطان جہاں پھولوں میں
جلوہ افروز ہیں سلطان جہاں پھولوں میں
پئے تسبیح ہے سوسن کی زباں پھولوں میں
حمد کے عطر سے کیونکر وہ معطر نہ رہیں
جب خداوند کی خلق زباں پھولوں میں
کور چشموں کو جو بینائی عطا کی تو نے
دیکھتے ہیں تری قدرت کے نشاں پھولوں میں
شکر ہے وارث کونین کا آتے ہی بہار
کل تھے کس دشت میں اور آج کہاں پھولوں میں
ایک شے ان میں بسی ہو تو بتاؤں بیدم
بس رہے ہیں دل و جاں کون مکان پھولوں میں