جلوے نے عرشاں فرشاں تے سرکار محمد عربی دے
جلوے نے عرشاں فرشاں تے سرکار محمد عربی دے
ہر پاسے عاشق ویہندے نیں انوار محمد عربی دے
والفجر جبیں ، والشمس عارض ، پرکیف نظر ، گیسو طہ
ابرُو نیں قَابَ قوسین خُمدار مُحمد عربی دے
ہتھ پاک یداللہ لب یوحی ما زاغ دے اکھیاں وچ ڈورے
نعلین گئے ہی عرشاں توں لنگھ پار محمد عربی دے
یعقوب نبی ناں اک پل وی یوسف دی جدائی ورچ روندے
تک لیندے نین نشیلے جے اک وار محمد عربی دے
مخلوق نے دسو کی اُس دی تعریف ثنا کر لینی اے
پڑھدا اے قصیدے خُود خالق ستار محمد عربی دے
میں صائم اوہدے پیراں نوں چم چم اکھیاں تے لاواں گا
اک وار جو مینوں لے چلے دربار محمد عربی دے