جے کرنی ایں کُجھ تے قرینے دی گل کر
جے کرنی ایں کُجھ تے قرینے دی گل کر
محمد دے سوہنے مدینے دی گل گر
جے اللہ توں رحمت دے لینے خزانے
مدینے دے نُوری خزینے دی گل کر
جے لگناں ایں بنّے تے آلِ نبی دے
مقدس تے نوحی سفینے دی گل کر
توں بدلے فنا دے جے لینی بقا اے
مدینے چ مرنے تے جینے دی گل کر
جے مشکوٰۃ دے ٹھیک آوندے نہیں معنے
میرے کملی والے دے سینے دی گل کر
جے لینی اے دُنیا چ جنت دی خوشبو
میرے مصطفے دے پسینے دی گل کر
جے دُکھڑے مٹانے نے دُنیا دے صائم
توں روضے دے گنبد نگینے دی گل کر