جیہڑے کر دے حضور دا میلاد رہن گے
جیہڑے کر دے حضور دا میلاد رہن گے
گھر اوہناں دے ہمیشہ ای آباد رہن گے
روضہ ویکھیا حضور ﷺ دا سُرور آگیا
اوہدے در دے نظارے سدا یاد رہن گے
میرے سوہنے نوں وسیلہ جنہاں من لیا اے
پوندے رب کولوں دلاں دی مراد رہن گے
جنہاں جشن میلاد کیتا نبی پاک ﷺ تیرا
غماں ساریاں توں سدا اوہ آزاد رہن گے
جیہڑے من دے نے حامی سوہنے نبی پاک نوں
آقا اوس تائیں دیندے امداد رہن گے
جنہاں گھراں وچ محفل درود ہووے گی
دسّو کیویں اوہناں گھراں چ فساد رہن گے
صائم چھڈ کے جہان بھانویں چلا جاواں گا
میرے شعر لیندے عاشقاں توں داد رہن گے