جہڑے دل اندر یاد سجن دی اوس دل نوں چین قرار کتھے
اکھاں رودیاں نیں زار و زار کتھے سوہنے نبی دا پاک دربار کتھے
جنت اوہ جنت نیکاں بندیاں دی گنہگاراں لئی ایہہ بہشت کھلا
بھلا اوس فردوس دے محل کتھے تے مدینے دے در و دیوار کتھے
جہڑی دھرتی نکاری سی جگ اندر اوس دھرتی تے رب نوں پیار آیا
بدّل ظلمتاں دے چھائے ہر پاسے وسے رحمت دے ویکھ انوار کتھے
دشمن آؤندے چل کے وچہ قدماں سوہنا چادراں ہیٹھ وچھا دیندا
اوہدے خُلق نے خلقتاں موہ لیاں اوہدے فیض دا ہووے شمار کتھے
نور بشر دے ایہہ تمام جھگڑے عقل کولوں تمام نہ ہوسکے
عشق ویکھیا شبِ معراج اندر جبرئیل کتھے تے سرکار کتھے
مالک ہووے لولاک دا آپ سوہنا مَیں قربان ظہوریؔ غم خواریاں توں
پائی قاب قوسین دی جگہ کتھے روون لئی حرا دی غار کتھے
شاعر کا نام :- محمد علی ظہوری
کتاب کا نام :- کِتھے تیری ثناء