جدوں تیک دل دی صفائی نئیں ہونی
جدوں تیک دل دی صفائی نئیں ہونی
محمد دے در تے رسائی نئیں ہونی
ایہہ دم زندہ جے کملی ولاے دا دم ایں
اصل زندی اوس سوہنے دا غم ایں
غمِ مصطفےٰ نے ای بس اونا کم ایں
کسے کم ایہہ ساری خدائی نئیں ہونی
اوہ ساری خدائی دا مختار اک اے
نبیؐ ساریاں دا وی سردار اک اے
تے ساڈا وی محشر نوں غم خوار اک اے
بناں اوہدے مشکل کشائی نئیں ہونی
جدھے جوڑے نوں عرش رحمان چُمّے
زمین چمدی نالے اسمان چُمے
کویں نہ اوہدے ناں نوں انسان چُمے
بغیر ایس ناں دے رہائی نئیں ہونی