جدوں ویکھ لیا مُکھ سوہنے دا اکھیاں نیں نماز ادا کیتی
جدوں ویکھ لیا مُکھ سوہنے دا اکھیاں نیں نماز ادا کیتی
جنہاں پھیر لیا منہ سجناں توں اونہاں پڑھی ہوئی آپ قضا کیتی
دکھ درد سناؤندیاں رہنا ایں اساں یار مناؤندیاں رہنا ایں
تد تیکر آؤندیاں رہنا ایں جد تیکر عمر وفا کیتی
اک در دا جہڑا سوال اے اوہدی رب کردا رکھوالی اے
ولیاں دی من دا والی اے جس طاقت آپ عطا کیتی
جدے ساقی بھرے پیالے نیں اوہدی سُن لئی کملی والے نیں
جس دے لئی مرشد کامل نے خوش ہو کے آپ دعا کیتی
اکھیاں نے دِتّا سبق پڑھا جد ویکھیا چہرہ مرشد دا
جنہاں یار توں منگ کے درد لیا اونہاں فیر نہ کوئی دوا کیتی
جد در تے ظہوریؔ آ بیٹھے غم سارے یار بھلا بیٹھے
یاد آئی تے محفل لا بیٹھے رل مِل کے صِفت و ثنا کیتی