جہدے جوڑے نوں عرش سینے لگاوے
جہدے جوڑے نوں عرش سینے لگاوے
اوہنوں گود وچہ لے کے لوری سناوے
حبیبِ خدا جس دا اجڑ چراوے
حلیمہؓ جیہی ہور دائی نئیں ہونی
یدِ بیضہ دی گل بے شک نرالی
دمِ عیسٰے دی ہے اگرچہ مثالی
خدا دی قسم قاب قوسین والی
کسے نوں وی اوہ رات آئی نئیں ہونی
ہووے سوہنیا تیرے در توں نہ دوری
رہوے تیرے قدماں دی ہر دم حضوری
تیرے در دا منگتا ایہہ تیرا ظہوری
کہ در در دی میتھوں گدائی نئیں ہونی