جس دل نوں تاہنگ مدینے دی اوہنوں نہ کِتے آرام آوے
جس دل نوں تاہنگ مدینے دی اوہنوں نہ کِتے آرام آوے
بیمار مدینہ بچ جاندا جدوں حاضری دا پیغام آوے
اک وار جنہاں نوں ہوجائے دیدار حضورؐ دے روضے دا
اوہناں دے لباں تے رات دنے سرکار دے شہر دا نام آوے
نئیں عقلاں وچہ سما سکدا رتبہ محبوب دی چوکھٹ دا
ہر ویلے عرشاں فرشاں توں روضے تے درود و سلام آوے
دو جگ دی حکومت دا والی بیٹھا اے صرف چٹائی تے
اس بوریئے تے جبریلؑ امیں لے رب دا پاک کلام آوے
بے چیناں نوں چین آوے گا ہر عاصی بخشیا جاوے گا
اللہ دے کل رسولاں دا محشر وچ جدوں امام آوے
دو جگ دیاں سوہنیا محبوبا جس دن دا مدینہ ویخ لیا
منگدا اے ظہوریؔ روز دعا ترے در تے فیر غلام آوے