جس دِل وچہ حُب نبیؐ دی نئیں اوہدی بولی وچ تاثیر نئیں
جس دِل وچہ حُب نبیؐ دی نئیں اوہدی بولی وچ تاثیر نئیں
جنہوں درد دی دولت مل گئی اے ودھ اوس توں کوئی امیر نئیں
کیہہ دساں شان اس سینے دی جہدے اندر یاد مدینے دی
سونہہ رب دی دونہاں جہاناں وچہ کوئی ایہدے جیہی جاگیر نئیں
اللہ دے بندیاں دی مرضی اللہ پوری کر دیندا اے
قادر دی مرضی توں ودھ کے کوئی وکھری شے تقدیر نئیں
ایتھے کم ناہیں تاویلاں دا اساں سُٹیا بھار دلیلاں دا
جتھے عشق ہے جج اپیلاں دا اوتھے عقلاں دی تقریر نئیں
پڑھ پہلا سبق عقیدت دا جے لبھنا ایں راہ حقیقت دا
کیہہ فائدہ شان و شوکت دا جے چنگی ہوئی اخیر نئیں
مل جائے گدائی اس در دی جہدی تاہنگ فرشتے رکھدے نیں
اوس رب توں ظہوریؔ کیہہ لینا جو یار دے در دا فقیر نئیں