جتھے جتھے وی اُہدا نقش قدم ہندا اے
جتھے جتھے وی اُہدا نقش قدم ہندا اے
اوتھے اوتھے ای غلاماں دا حرم ہندا اے
نور ہر چیز چ مخفی اے میرے آقا دا
نام ہر شے تے محمد دا رقم ہندا اے
ساہمنے جا کے وی ہنجواں تے ناں قابو رکھیا
کملیا ! ایہو محبت دا بھرم ہندا اے
پَیر سرکار نے جد رکھیا سی بُت خانے وچ
ڈگ کے قدماں تے فدا دیکھو صنم ہندا اے
دل اوہ بن جاندے گذرگاه رسول رحمت
جیہناں وچ سید شبیر دا غم ہندا اے
اوہو جاندا اے مدینے دی فضا دے اندر
جس تے سرکار مدینہ دا کرم ہندا اے
خود جو سلطان رسولاں دا اے ہُندا صائم
اوہدی امت دا ای ناں خَیرِ اُمم ہُندا اے