کبھی گُل رُو کے شانوں پر علی مولا عیاں دیکھے
کبھی گُل رُو کے شانوں پر علی مولا عیاں دیکھے
کبھی ابنِ علی سجدے کی حالت میں وہاں دیکھے
کبھی فکرِ رسا میری مؤدت کی سعادت سے
نبی گل رُو کی بستی میں اجالے کا سماں دیکھے
مقامِ مصطفیٰ سمجھے کوئی فہمِ بشر کیونکر
کہ جب نعلین کے زیرِ نگیں سب آسماں دیکھے
یہ کب آسان مدحت ہے کتابِ رب کی رفعت میں
خدا کی نعت گوئی کو جہاں سارا زماں دیکھے
چلیں روحِ مسلماں کو خدا کے پاس جانے دیں
جہاں پر مرحبا کہتے یہ ساتوں آسماں دیکھے
بڑی حیرت ہوئی خضریٰ کے اندر کے مناظر پر
تصور میں فرشتوں کے جہاں پر کارواں دیکھے
نظر کو جس طرف لوگو اٹھاؤ گے محبت سے
محمد ہی محمد ہیں یہ کہتے عارفاں دیکھے
بہاروں میں جو خوشبو ہے جو نظاروں میں ندرت ہے
نبی کے ہی وسیلے سے یہ ہر جانب سماں دیکھے
محمد کا وسیلہ ہی شفاعت کی ضمانت ہے
عنایت ہو جسے قائم وہ جنت کے نشاں دیکھے