کدوں سوالی ہاں اہلِ دہور دَر در دا
کدوں سوالی ہاں اہلِ دہور دَر در دا
دھروں گدا ہاں محمد ﷺ دی آل دے گھر دا
میرے رسولِ مکرم دا ہے کرم سارا
رہوے سدا ای میری ہر گھڑی دا کم سردا
اُہدى مدام گدائی دوام دی رَہ اے
کدوں اے مرگ دے کولوں اہدا گدا مردا
رواں دواں اے سدا حکم سارے عالم لئی
ہر اک رسول دے سردار اوس سرور دا
اہدے دوارے سلامی دوے میرا دل وی
اُہدا اى در اے حرم ہر طراں میرے سر دا
کسے وی حال دے آرام واسطے صائم
ہاں کردا ورد محمد ﷺ والے اسم اطہر دا