کہنا ہے دل کا حال رسالتؐ مآب سے
کہنا ہے دل کا حال رسالتؐ مآب سے
خیرالانامؐ سرورِ عالیؐ جناب سے
ہے کتنا دلفریب پسینہ حضورؐ کا
مشک ختن ، عبیر ، چنبیلی ، گلاب سے
ملتی چمک ہے تیریؐ ضیاء سے نجوم کو
ضو ریز مہر و ماہ تریؐ آب و تاب سے
محبوبِؐ دو جہاں کی طلب دل میں ہے مرے
چھٹکارا مل گیا ہے مجھے اضطراب سے
رُسوائی ہو نہ حشر میں آقاؐ کے رُوبرو
میری دُعا ہے مالکِ یوم الحساب سے
اشفاقؔ نعتِ سیدِ ابرارؐ کے لیے
آیات چن کے لایا ہوں سچی کتاب سے