کملی والا نور اجالا لے کے رحمت دا دو شالہ
کملی والا نور اجالا لے کے رحمت دا دو شالہ
آیا وچ سنسار بہاراں آگئیاں
پاکے تاج شفاعت والا آگیا امت دا رکھوالا
مہکے سب گلزار بہاراں آگئیاں
ربیع الاول پاک مہینے آگیا لے کے کُل خزینے
آمنہ دا دلدار بہاراں آگئیاں
اَسماناں توں اُترے تارے اوگنہاراں دے آج سارے
ہو گئے بیڑے پار بہاراں آگئیاں
بُت سوہنے دا کلمہ پڑھدے رہندے سن جو سینے سڑ دے
ہو گئے ٹھنڈے ٹھار بہاراں آگئیاں
رونق سب اشجار تے آئی نویں بہار بہار تے آئی
رب دا آیا یار بہاراں آگئیاں
رب رکھّے ایہہ محفل قائم پڑھو درود نبی نے صائم
دامن لئوو کھلار بہاراں آگئیاں