کملی والے دا سراپا نُور اے
کملی والے دا سراپا نُور اے
نور نے زُلفاں تے مُکھڑا نور اے
تاریاں توں بوہتا ہے سی چمکدا
میرے آقا دا پسینہ نور اے
نور نے مازاغ اکھیاں سوہنیاں
آپ دا والفجر متھا نُور اے
ںُور نے سرکار دے نُوری قدم
بلکہ ہر نقش کف پا نور اے
نور رخسار اے تے ٹھوڈی پاک
آگا پچھا چہرہ مُہره نور اے
نوری نوری موتیاں دی دند لڑی
نوری گردن پاک سینہ نور اے
پنڈلیاں تے زانو صائم نُور نے
سرتوں پیراں تیک آقا نور اے