کر نظر کرم دی محبوبا اس درد و الم دے مارے تے
کر نظر کرم دی محبوبا اس درد و الم دے مارے تے
رو رو کے عمر گزار لئی ہن سد لے پاک دوارے تے
رُخ میرے نصیب دا موڑ دویں زنجیر غماں دی توڑ دویں
تقدیر بدل دی عالم دی تیرے سوہنیا اک اشارے تے
میں ہجر دے ڈُوہنگے بحر اندر پیا مُڑ مُڑ غوطے کھاندا ہاں
تینوں واسطہ غوث اعظم دا لا دے محبوب کنارے تے
چنگیاں نوں دنیا گل لاوے مندیاں توں نظراں پھیر لوے
احسان ہے تیرا محبوبا ہر ہولے تے ہر بھارے تے
بن مرکز فلکی دنیا دا جو راه دسدا اے راہیاں نوں
ایہہ آپ دے نُور مبارک دا احسان ہے قطب ستارے تے
جو عمل اسیں اپنے کر دے آں برباد ایہہ سانوں کر دیندے
ایہہ دنیا قائم ہے صائم سرکار دے صرف سہارے تے