کرم کر کرم کر کرم میرے آقا عطا کول تیرے سنا کول تیرے
کرم کر کرم کر کرم میرے آقا ، عطا کول تیرے سنا کول تیرے
خُدا دی خُدائی دا مُختار توں ایں ، خُدائی کی آقا خُدا کول تیرے
تیرے کول سارے خزانے خُدا دے، ترے در تے جھکدے نے سر انبیاء دے
میرے مرض غم والے سارے مٹا دے ، دوا کول تیرے شفا کول تیرے
سناواں میں کس تائیں درداں دا جھیڑا ، ترے باہجوں محبوب دردی اے کیہڑا
صبا نے وی آکے نہیں دیتا سنہیڑا ، کدوں اُوناں تیرے گدا کول تیرے
کرم دی نظر یا نبی مصطفی کر ، علی دی شہادت دا صدقہ عطا کر
ترے در تے کی اے کمی میرے آقا، عطا کول تیرے سخا کول تیرے
ہے محبوب لولاک دا تاج تیرا ، زمانے دی ہر شے تے ہے راج تیرا
اشارے ترے تے پلٹ اوندا سورج ، تے چن ہو کے دو جاندا آ کول تیرے
توں سارے رسُولاں تے نبیاں توں سوہنا، ترے ہونے تھیں ساری دُنیا دا ہونا
ہے تیرا ای صائم نوں آقا سہارا ، میرے درد و غم دی دوا کول تیرے