کرم تیرے دا نہ کوئی ٹھکانہ یا رسول اللہؐ
کرم تیرے دا نہ کوئی ٹھکانہ یا رسول اللہؐ
سدا کھلا اے رحمت دا خزانہ یا رسول اللہؐ
مرا ایمان ایں دن حشر دے سرکار دا دامن
بنے گا سب دی بخشش دا بہانہ یا رسول اللہؐ
تیرے دربار دا صدقہ امیری وی فقیری وی
تیرے فیضان دا سائل زمانہ یا رسول اللہؐ
جو تیری یاد وچہ گزرے حیاتی اوہ حقیقت اے
بناں تیرے ہے جو کُجھ وی فسانہ یا رسول اللہؐ
جدوں پُچھن گے آکے دو فرشتے قبر دے مینوں
سناواں گا دروداں دا ترانہ یا رسول اللہؐ
فدا ہووے ظہوریؔ اوس ویلے وے گھڑی پل توں
جدوں ہووے مدینے نوں روانہ یا رسول اللہؐ