کرو میری وی ہُن پوری تمنا یا رسول الله
کرو میری وی ہُن پوری تمنا یا رسول الله
وکھا چھڈو غریباں نوں وی روضہ یا رسول اللہ
مرا دل چریا جاندا اے تے اکھاں اشک برساؤن
جدوں آجاوندا چیتے مدینہ یا رسول اللہ
تیرے دربار نوں چھڈ کے کویں منگاں کسے کولوں
ہاں جد کہ میں ترا گولا تے بردا یا رسول اللہ
سوا نیزے تے سورج دا اَساں نوں خوف کاہدا اے
لِواء الحمد دا مل جاوے سایا یا رسول اللہ
خوشی دے نال نعرہ یا رسول اللہ دا لاواں گا
قبر وچ ویکھاں گا جد تیرا جلوہ یا رسول اللہ
برا ہاں سب توں میں پہلوں شفاعت میری کر دینا
شفاعت دا سجاؤ گے جاں سہرا یا رسول اللہ
مدینے پاک آؤن دی اجازت دے دیہو ہُن تے
ہے صائم تے بڑھاپے دا زمانہ یا رسول اللہ