کِھلا گئی ہے بہر سُو نبیؐ کی طبعِ نفیس
کِھلا گئی ہے بہر سُو نبیؐ کی طبعِ نفیس
گلِ وفا ، گلِ صدق وصفا، گلِ تقدیس
حضورؐ قافلہ صادقاں کے راہنما
حضورؐ خیلِ رسولاں کے سر براہ و رئیس
حضورؐ ساری خدائی کے واسطے رحمت
حضورؐ سارے زمانے کے غمگسار و انیس
ہے محکماتِ الہیٰ کی دلنشیں تفسیر
زبانِ احمدِؐ مرسل کا ہر بیانِ سلیس
ہو اُن کے صدقے میں تائب پہ بھی کرم یارب
جو زندگی میں رہے سیّدالورای کے جلیس