خدا دی خُدائی محمد دے در تے
خدا دی خُدائی محمد دے در تے
ملے پارسائی محمد دے در تے
فرشتہ تے بھاویں پیمبر کسے وی
نظر نہیں اُٹھائی محمد دے در تے
گیا راز معراج مومن تے کُھل دا
جبیں جد جھکائی محمد دے در تے
اوہ بن گئے ولی تے زمانے دے مرشد
جنہاں کُلّی پائی محمد دے در تے
ہے اوسے دی اللہ دے در تک رسائی
جہدی اے رسائی محمد دے در تے
ہے اوسے دا چانن زمانے تے رب نے
شمع جو جلائی محمد دے در تے
بھلائی چہ تبدیل ہوئی اوہ صائم
گئی جو برائی محمد دے در تے