خدا دی تجلّٰی محمد دے در تے
ہے بس اللہ اللہ محمد دے در تے
رسولاں تے ملکاں تے نبیاں نے آکے
وچھایا مُصلّٰے محمد دے در تے
محبت ، صداقت شرافت دا ملدا
ہے سودا سولا محمد دے در تے
کوئی یار کیڈا وی ہووے کسے دا
رہوے كلا كلا محمد دے در تے
میں قربان خیرات ملدی اے اینی
بھرے سب دا پلَّا محمد دے در تے
اوه حدِ اَدب نوں کدی نہیں اُلنگھدا
جو ہو جاندا جھلا محمد دے در تے
کِتے وی نہیں دیکھی اوہ دیکھی جو صائم
ہے شان مُعلّٰے محمد دے در تے
شاعر کا نام :- علامہ صائم چشتی
کتاب کا نام :- کلیات صائم چشتی