کوئی جہاں میں ہوا نہ ہوگا شفیق تجھ سا کریم تجھ سا

کوئی جہاں میں ہوا نہ ہوگا شفیق تجھ سا کریم تجھ سا

خوشا کہ ہم عاصیوں نے پا یا رؤف تجھ سا رحیم تجھ سا

---

کبھی نہ آغوشِ دہر میں تھا ، کبھی نہ چشمِ فلک نے دیکھا

شکیل تجھ سا، عقیل تجھ سا ،جلیل تجھ سا ، عظیم تجھ سا

---

نہ لاسکی ہے نہ لاسکے گی، یہ گردشِ مہر و ماہ گیتی

امین تجھ سا ، متین تجھ سا ، قسیم تجھ سا، وسیم تجھ سا

---

جہاں میں خوش بخت ہے وہ ملّت ، کہ جس میں لایا نویدِ رحمت

بشیر تجھ سا، نذیر تجھ سا ، نصیر تجھ سا ، فہیم تجھ سا

کوئی جہاں میں ہوا نہ ہوگا شفیق تجھ سا کریم تجھ سا