کوئی رہ آسمان تے یار گیا ، کوئی جا سدرہ تے ہار گیا
کوئی رہ آسمان تے یار گیا ، کوئی جا سدرہ تے ہار گیا
اک کالیاں زلفاں والا سی جیہڑا عرش توں وی لنگھ پار گیا
حوراں سہرے گوندیاں آیاں زُلفاں رستیاں وچ وچھائیاں
لنگھدا جیہڑے راہوں سوہنا عربی شاہ اسوار گیا
تارے ڈب ڈب تر دے جاندے قدسی سجدے کر دے جاندے
نظر کرم دی کر کے سوہنا سب دے بیڑے تار گیا
کستوری دے حلّے آون خوشبواں دے بلے آون
عرش دا راہی جاندا جاندا ہر سُو مہک کھلار گیا
اک پل اندر پینڈے مکے پردے جا وحدت دے چکے
نور گیا ہو نور چہ شامل عشق دا کھل اسرار گیا
گھر والا گھر جا کے آیا اُمت نوں بخشا کے آیا
بیڑا عاصیاں والا صائم آج راتیں ہو پار گیا