مدینے میں رکھو ہلکی صدا تک
مدینے میں رکھو ہلکی صدا تک
یہاں آہستہ چلتی ہے ہوا تک
جہانِ عقل حیرت میں ہوا گم
پڑھا وَالنَّجم کو جب مَا طَغٰی تک
لگا لے ان کی خاکِ پا کا سرمہ
کتابِ لوح پھر اے چشمِ وا ! تَک
مجھے ہے ربط گیسوئے نبی سے
مِری جانب نہ اے رنج و بلا ! تَک !
تمہاری ملک سے شاہِ " دَنا " ! کچھ
ہے از تحت الثریٰ عرشِ علیٰ تک
رہا کربل میں یوں پاسِ شریعت
نہ اتری سر سے زینب کے رِدا تک
نہیں ہے فاصلہ کچھ بھی معظمؔ
درِ احمد سے دربارِ خدا تک