مدینے کی فضا ہے اور میں ہوں
مدینے کی فضا ہے اور میں ہوں
مرا بختِ رسا ہے اور میں ہوں
تصور میں سنہری جالیاں ہیں
عطائے مصطفی ہے اور میں ہوں
پرِ روح االامیں لگ جائیں مجھ کو
بلاوا آپ کا ہے اور میںہوں
جھکا ہے سر نبی کے آستاںپر
یہی صبح و مسا ہے اور میں ہوں
عبادت ہی عبادت ہو رہی ہے
شہِ دیںکی ثنا ہے اور میں ہوں
مجھے معراج حاصل ہو رہی ہے
نبی کا نقشِ پا ہے اور میں ہوں
چمک اٹھی ہے قسمت میری آصف
کرم سرکار کاہے اور میں ہوں