مدینے والیا اک وار آویں
مدینے والیا اک وار آویں
میرے درداں نوں آکے ٹال جاویں
سفینہ آس دا ڈبیا اے میرا
بنامِ غوث اعظم پار لاویں
مقدر ڈیگیا اے فیر مینوں
میرے محبوب مینوں مُڑ اُٹھاویں
سُنہری جالیاں دا واسطہ ای
سنہری جالیاں مینوں دکھاویں
پیاسا مر ناں جاواں میں تڑفدا
نظر دا جام محبوبا پلاویں
گذر دی جتھوں سی تیری سواری
غبار اُس راہ دا مینوں بناویں
سدا وسدا رہوے تیرا مدینہ
مری وی جھوک اُجڑی نوں وساویں
رجاون والیا دونہہ عالماں نوں
میری جھولی دے وچ وی خیر پاویں
مَرن صائم دا ہو آسان جاوے
نزع دے وقت آ مکھڑا دکھاویں