مدنی ایں میرا آقا مدنی خدا دا ماہی
مدنی ایں میرا آقا مدنی خدا دا ماہی
نبیاں تے مُرسلاں تے اوہدی اے شہنشاہی
تک کے اُہدا اشارا رُکھ ٹُرپئے اُکھٹر کے
روڑاں تے کنکراں نے دتی اہدی گواہی
قرآن وچ محمد ناں رکھیا اے خُدا نے
خُود ذات مصطفیٰ دی اللہ نے ہے سراہی
محدود حد دے اندر اللہ لئی اے سوہنا
مخلوق واسطے پر نہیں آپ نوں تناہی
اوسے دے لئی بنایا ہر چیز نُوں خُدا نے
اوہ ہر مکان والا اوہ لامکاں دا راہی
آقا دی شان اندر بولے جو بول بَھیڑا
ہو جاندی بولہب دے وانگوں اُہدی تباہی
فیر وی ناں نعت صائم مُکدی مرے نبی دی
بن جان رکھ جے قلماں قُلزم بنے سیاہی