مدنی دلاں دے جانی مدنی دلاں دے جانی
مدنی دلاں دے جانی مدنی دلاں دے جانی
سارے جہان اندر کوئی ناں تیرا ثانی
پائے نے شہنشاہا مینوں غماں نے گھیرے
کر کے کرم خدارا دُکھ دور کر دے میرے
تیرے بناں سناواں غم دی کہنوں کہانی
مدنی دلاں دے جانی مدنی دلاں دے جانی
دو جگ دا توں نبی ایں دو جگ تے راج تیرا
شالہ رہوے چمک دا لَولاک تاج تیرا
در تے بلاؤ مینوں ہووے گی مہربانی
مدنی دلاں دے جانی مدنی دلاں دے جانی
ہر پاسے غم دے پہرے ہر سمت نے بلاواں
در چھڈ کے آپ دا میں کس درتے ہور جاواں
جد کہ ہے فیض تیرا دو جگ تے جاودانی
مدنی دلاں دے جانی مدنی دلاں دے جانی
دو جگ دے وچ ناں کوئی لجپال تیرے ورگا
جایا کسے وی ماں نے ناں لال تیرے ورگا
مالک توں ہر مکاں دا توں نور لامکانی
مدنی دلاں دے جانی مدنی دلاں دے جانی
دو جگ دا ناخدا ایں بیڑا ترا دے میرا
خالق دی توں ضیاء ایں کر دور دیہہ ہنیرا
منظور آقا کر لَے صائم دی نعت خوانی
مدنی دلاں دے جانی مدنی دلاں دے جانی