مدنی کرم کماوَن آگئے
مدنی کرم کماوَن آگئے
جنگ دے بھاگ جگاوَن آگئے
دو جگ دے سلطان مُحمد
اُجڑی جھوک وساوَن آگئے
پرچم یار دی عظمت والا
جبرائیل جُھلاوَن آگئے
اَج اُمّت دے آقا میرے
سب دُکھ درد مٹاوَن آگئے
ملک فلک دے دھرتی اُتے
جشن میلاد مناوَن آگئے
جنت دے رضوان تے غلماں
گیت دُرود دے گاوَن آگئے
بخشے گئے نے اَج اوہ جیہڑے
نَعتاں سنن سناوَن آگئے
دمیہہ میلاد دا صدقہ آقا
جھولی اسی وچھاوَن آگئے
اپنی بزم نوں میرے آقا
صائم آپ سجاوَن آگئے