مدنی سب نبیاں دا پیر مدنی سب نبیاں دا پیر
مدنی سب نبیاں دا پیر مدنی سب نبیاں دا پیر
مدنی آقا دے ہتھاں وچ دو جگ دی تقدیر
مدنی سب نبیاں دا پیر مدنی سب نبیاں دا پیر
وجہہ اللہ مکھ پاک نبی دا سورج نوں شرماوے
پاک نبی دے ہتھ نوں اللہ اپنا ہتھ فرماوے
گل اوہدی نوں اپنی گل اے کہندا ربّ قدیر
مدنی سب نبیاں دا پیر مدنی سب نبیاں دا پیر
روز میثاق دے پاک خُدا نے رُوحاں نوں بُلوایا
نبی بنانا سی جہناں نوں اوہناں نوں فرمایا
بنناں نبی ، تے یار میرے دی ، کرنی ہے توقیر
مدنی سب نبیاں دا پیر مدنی سب نبیاں دا پیر
اقصیٰ وچ جد قدم مبارک پاک نبی نے دھریا
سارے نبیان کُل رسولاں مُجرا اوھدا بھریا
ہر اک نبی سی ہو گیا اوہدیاں زُلفاں وچ اسیر
مدنی سب نبیاں دا پیر مدنی سب نبیاں دا پیر
جو جو نبیاں نوں دتا سی اللہ نے سرمایا
کٹھا کر کے سارا اپنے یار دی جھولی پایا
بلکہ اس توں ودھ سی دتی جنت دی جاگیر
مدنی سب نبیاں دار پیر مدنی سب نبیاں دا پیر
صائم پاک نبی دا بوہا کھلا رہوے ہمیش
لیندے اوتھوں رزق نے آکے پنچھی تے دَرویش
اوتھے سب دی جھولی بھر دی ، بھر دی بے تاخیر
مدنی سب نبیاں دا پیر مدنی سب نبیاں دا پیر