مدنی سب نوراں دا نور مدنی سب نوراں دا نور
مدنی سب نوراں دا نور مدنی سب نوراں دا نور
سُورج چن ستاریاں اندر اوہدا نور ظہور
سب توں اول نور نبی دا اللہ پاک بنایا
اپنا عکس مکمل کر کے رحمت نال سجایا
ناں سن حالی بنے فرشتے ناں جنّت ناں حُور
مدنی سب نوراں دا نور مدنی سب نوراں دا نور
قُطب ستارے اندر جہڑے نور نے ڈیرا لایا
ایسے نور چوں کُل خلقت نوں پیدا رب فرمایا
رحمت دی آغوش چ رکھیا نور سی ایہہ مستور
مدنی سب نوراں دا نور مدنی سب نوراں دا نور
ایہو نُور سی آدم دی پیشانی وچ سجایا
ایسے نور نوں سجدہ ہیسی ملکاں توں کروایا
ایسے نور دی عظمت رب نوں سی ہر تھاں منظور
مدنی سب نوراں دا نور مدنی سب نوراں دا نور
ایہو نور ازل دا جس دَم دھرتی اُتے آیا
حاء کُم مِن اللہ نور اللہ نے فرمایا