مدنی سوہنے دا دربار جھے نویوں نویں بہار
مدنی سوہنے دا دربار
جھے نویوں نویں بہار
پُھل رحمت دے کھل دے اوتھے
سُکھ دو جگ دے مِل دے اوتھے
نالے ملدا سب نوں اوتھوں دلدا چین قرار
مدنی سوہنے دا دربار ، جتھے نویوں نویں بہار
در مدنی دا در اللہ دا
گھر مدنی دا گھر اللہ دا
اللہ اللہ دی ہر ویلے اوتھے پوے پکار
مدنی سوہنے دا دربار ، جتھے نویوں نویں بہار
شرک دے فتوے چُلّھے ڈاہویں
مدنی دے دربار تے آویں
مدنی دے دربار توں تینوں ملسی رب غفار
مدنی سوہنے دا دربار ، جتھے نویوں نویں بہار
جتھے وسدا مدنی ماہی
اوہو ہے دربار الٰہی
نور نبی دا رب دے نوروں کندھاں پیا ناں مار
مدنی سوہنے دا دربار ، جتھے نویوں نویں بہار
ٹُر جا صائم شہر مدینے
سدیا تینوں پاک نبی نے
پاک نبی دے روضے اُتوں ہو جاویں بلہار
مدنی سوہنے دا دربار ، جتھے نویوں نویں بہار