ماه میلاد دی باراں تاریخ آج
ماه میلاد دی باراں تاریخ آج ، منگتیو دل دا ہر مدعا منگ لوؤ
قافلہ بن کے طیبہ دے ول چلئے، ایہہ وی رل کے عزیز و دُعا منگ لوؤ
اج نئیں سنگن دا بلکہ ہے منگن دا دن، نال خُوشیاں دے دامن نوں رنگن دا دن
کملی والے توں راہ خدا منگ لوؤ، رب دے کولوں در مصطفیٰ منگ لوؤ
شالہ کوئی وی ایتھے ناں سختی سہوے، مرض کوئی مریضاں نوں آج ناں رہوے
کملی والے دے کولوں دوا منگ لوؤ ، ربّ عالم دے کولوں شفا منگ لوؤ
آج اے سوہنے محمد دبے آؤن دا دن، آج اے خُوشیاں تے خُوشیاں مناؤن دا دن
جو وی لینان اے اللہ دے دربار چوں، کملی والے توں ہو کے فدا منگ لوؤ
واسطہ پاکے سوہنے دے ہر یار دا، واسطہ پا کے سب آلِ اطہار دا
پہنچ جاوے مدینے جو اک پل دے وچ ، ایسی درواں چ ڈُبی صدا منگ لوؤ
منگ لوؤ صدقے آج شاہ لولاک دے، منگ لوؤ صدقے آج آمنہ پاک دے
رب توں صائم قبر دے ہنیرے دیوچہ، کملی والے دے رُخ دی ضیاء منگ لوؤ