میں صرف حرفِ تمنا ہوں یا رسولؐ اللہ
میں صرف حرفِ تمنا ہوں یا رسولؐ اللہ
بس اک نگاہ کا جو یا ہوں یا رسولؐ اللہ
وہ دل ہوں جس میں کسک آپ ہی کے نام سے ہے
اسی صدا پہ دھڑکتا ہوں یا رسولؐ اللہ
زمینِ شور کا اک بے گیا ہ ٹکڑا ہوں
سحابِ لطف کا پیاسا ہوں یا رسولؐ اللہ
حقیر میری نظر میں ہے دولتِ دنیا
فقیر تیری گلی کا ہوں یارسول ؐ اللہ
رفاقت آپ کی ہر دم مجھے نصیب رہے
میں اس جہاں میں اکیلا ہوں یارسولؐ اللہ