میں سوجاؤں یا مصطفٰے کہتے کہتے
میں سوجاؤں یا مصطفٰے کہتے کہتے
کھلے آنکھ صل علی ٰ کہتے کہتے
ستم پہ ستم سہ گئے دشمنوں کے
حبیبِ خدا یا خدا کہتے کہتے
گزرتے تھے کانٹؤں بھرے راستوں سے
رسولِ خدا مرحبا کہتے کہتے
ہوئے سرخرو آپ ہر معرکے میں
فقط ربنا ربنا کہتے کہتے
شہِ دو عالم نے نانِ جویں سے
بھرا پیٹ شکرِ خدا کہتے کہتے
اندھیروں میں ہم نے کیا ہے اجالا
عقیدت سے نور الہدیٰ کہتے کہتے
دلِ مضطرب کو سکوں آگیا ہے
شب و روز یا مجتبیٰ کہتے کہتے
کٹے کاش اقبؔال اب عمر ساری
فقط نعتِ خیر الوریٰ کہتے کہتے