من رآنی کا مدعا چہرہ
صُورتِ حق کا آئنہ چہرہ
سر مگیں چشم آیہِ ما زاغ
زُلف و ا للّیل وا لضٰحے چہرہ
عالمِ خواب میں حقِیقت ہَے
آپؐ کا چہرہ ، آپؐ کا چہرہ
مصطفٰےؐ آنکھ ہو خُدا صُورت
ہو خُدا آنکھ مصؐطفٰے چہرہ
یہی چہرہ نِشانِ وجْہُ اللہ
ورنہ رکھتا ہَے کیا خُدا چہرہ
یہ ہَے تغیرِ احسنِ تقویم
ابتدا ء چہرہ، انتہا ء چہرہ
مرنے والوں کی آخری خواہش
مِرے آقاؐ مجھے دکھا چہرہ
ریگزارِ حیات میں واصؔف
باغِ فردوس کی ہوا چہرہ
شاعر کا نام :- واصف علی واصف
کتاب کا نام :- شبِ چراغ