محفل چ اوناں اے پیارے نبی اَج محفل سجاؤ
محفل چ اوناں اے پیارے نبی اَج محفل سجاؤ
محفل سجاؤ نعتاں پڑھو نالے خوشیاں مناؤ
دو جگ وس پئے تارے ہس پئے
نعتاں سُن کے منکر نس پئے
نعره رسالت دا لا کے ایہنوں ہور نساؤ
محفل سجاؤ نعتاں پڑھو نالے خوشیاں مناؤ
مست ہواواں مست فضاواں
کملی والے کیتیاں چھاواں
رب دی رحمت جھولی پاؤ صدقے جاؤ
محفل سجاؤ نعتاں پڑھو نالے خوشیاں مناؤ
مک گیا رونا آگیا سوہنا
سب توں سوہنا تے من موہنا
اوہدیاں راہواں وچ خوشیاں دے پھل برساؤ
محفل سجاؤ نعتاں پڑھو نالے خوشیاں مناؤ
نور تجلّٰی بھر گیا پلا
الله الله الله الله
اللہ دے یار دی اللہ نوں اَج نعت سناؤ
محفل سجاؤ نعتاں پڑھو نالے خوشیاں مناؤ
مہکیاں کلیاں روشن گلیاں
بُریاں صائم ہو گئیاں بھلیاں
نبی دے نام دے دیوے بالو جھنڈیاں لاؤ
محفل سجاؤ نعتاں پڑھو نالے خوشیاں مناؤ