میں اپنے ہار ہنجواں دے پروتے یا رسول اللہ
میں اپنے ہار ہنجواں دے پروتے یا رسول اللہ
سمندر بن گئے اکھیاں دے سوتے یا رسول اللہ
خدارا ہُن تے دل دی سیج تے تشریف لے آؤ
میں پُھل زخماں دے ہنجواں نال دھوتے یا رسول اللہ
زُلیخا بیٹھ جاندی سی کدی گلی دے وچ آ کے
تیرے عاشق سدا رہندے کھلوتے یا رسول اللہ
کنارے لادیو کشتی میری شبیر دے صدقے
میں طوفاناں دے وچ کھاندا ہاں گوتے یا رسول اللہ
ہے دل میرا تُساڈے باہجھ ویرانہ میرے آقا
بہاراں اَون دل وچ آ وسو تے یا رسول اللہ
تُساڈے رون تھیں صائم زمانہ غمزدہ ہووے
خوشی دے مہکدے گلشن ہسو تے یا رسول اللہ