میں اپنے ویکھ کے اعمال سنگاں یارسول اللہ
میں اپنے ویکھ کے اعمال سنگاں یارسول اللہ
مگر کس توں تساڈے باہجھ منگاں یارسول اللہ
میں مر چلیاں مدینے پاک دبے دیدار نُوں سسک دا
ناں مُک سکیاں نے پر آساں اُمنگاں یارسول اللہ
ہے جی کردا کراں سجدے ترے دربار اقدس تے
کیویں پر حد شریعت دی میں لنگھاں یا رسول اللہ
میں سنیاں ایں ترے دربار نُوں چُمن ناں دیندے نے
کدوں رُکنا ایں پر مستاں ملنگاں یا رسول اللہ
سیاہی میرے دامن دی یقیناً دُور ہووے گی
جے دامن وصل دے رنگ وچ میں رنگاں یا رسول اللہ
جے مل جاوے نظر منصور دی سرمد دا سر صائم
تے اپنی جان سولی تے میں ٹنگاں یا رسول اللہ