میرا محبوب دو جگ توں نرالا
میرا محبوب دو جگ توں نرالا
کتاب عشق دا پہلا حوالہ
سڑن جبریل دے پر جس جگہ تے
گیا اوتھوں وی اَگے کملی والا
رُخ والفجر توں قربان جاواں
جہدے صدقے ہے تھاں تھاں تے اُجالا
چَمن وچ پتہ پتہ ڈالی ڈالی
پئے جپدے نے اُس دے ناں دی مالا
جِہدے بدلے خُدا سب کچھ بنایا
غذا اوہدی سی اک اَدھا نوالہ
سَگ طیبہ دے چُم لے پیر اَے دل
جیویں وی یار من دا ای منالا
مدینے دا تصور آگیا اے
توں صائم ہار ہنجواں دے بنالا