میرا ماہی ماہی اللہ دا ہے
میرا ماہی ماہی اللہ دا ہے راحم وی مرحوم وی اے
اوہ رحم کرم دا مصدر اے اوہ عاصم وی معصوم وی اے
لا حصر لا حد اے علم اوہدا ہے عکس اللہ دے علماں دا
ہر علم دا عالم ہے ماہی ہر عالم دا معلوم وی اے
اے کملی والے کرم کما گل وگڑی مسلم اُمّہ دی
کی دسّاں مولا ساڈے لئی وا گرم وی اے مسموم وی اے
اَگ ساڑ رہی اے ساہواں دی ہو گئے آں مٹی راہواں دی
اسلام دا مولا ہر راکھا محصور وی اے محکوم وی اے
صائم دے درد مکا ماہی اک وار ہی کِدھرے آ ماہی
دل گولا وی سرکار دا اے ہر سکھ ولوں محروم وی اے